போஸ்ட் ஆபீஸில் இருக்கும் இந்த திட்டத்தில் ரூ. 40 லட்சம் சேமிக்கலாம் தெரியுமா?

போஸ்ட் ஆபீஸில் இருக்கும் இந்த திட்டத்தில் ரூ. 40 லட்சம் சேமிக்கலாம் தெரியுமா?

தபால் அலுவலகத்தின் பொது வருங்கால வைப்பு நிதி திட்டம் உங்களை லட்சாதிபதி ஆக்கும். அதற்கு நீங்கள் தினமும் ரூ. 417 ஒதுக்கினால் போதும். எப்படி தெரியுமா?

போஸ்ட் ஆபீஸில் இருக்கும் பிபிஎஃப் ( Public Provident Fund ) திட்டத்தின் மூலம் இது சாத்தியம் ஆகும். இந்தக் கணக்கு 15 வருட முதிர்வுக் காலத்தைக் கொண்டிருந்தாலும், மேலும் 5 - 5 ஆண்டுகளுக்கு இரண்டு முறை நீட்டிக்கலாம். கூடுதலாக, இந்தத் திட்டத்திலிருந்து வரிச் சலுகையைப் பெறுவீர்கள். அதே நேரத்தில், இந்தத் திட்டத்தின் மிக முக்கியமான அம்சம் என்னவென்றால், நீங்கள் ஆண்டுக்கு 7.1 சதவீத வட்டியைப் பெறுவீர்கள், மேலும் ஒவ்வொரு ஆண்டும் கூட்டு வட்டியின் பலனையும் பெறுவீர்கள்.

வீட்டுக் கடன் வாங்கும் போது செய்யக்கூடாத தவறுகள்!

ஒரு நாளைக்கு ரூ.417 என ஒதுக்கினால், ஒவ்வொரு ஆண்டும் அதிகபட்சமாக ரூ. 1.5 லட்சம் அல்லது மாதம் ரூ.12,500 சேமிப்பீர்கள்.15 ஆண்டுகள் அல்லது முதிர்வு காலம் வரை உங்கள் மொத்த முதலீடு ரூ.22.50 லட்சமாக இருக்கும். 7.1 சதவீத வருடாந்திர வட்டி விகிதத்துடன், முதிர்ச்சியின் போது கூட்டுத்தொகையின் பலனையும் அனுபவிப்பீர்கள். இதனுடன் சேர்த்து திட்டம் முடியும் போது போது நீங்கள் ரூ.18.18 லட்சத்தை வட்டியாகப் பெறுவீர்கள். அதாவது இறுதியில் உங்கள் கையில் வந்து சேரும் மொத்தத்தொகை ரூ.40.68 லட்சம்.

இப்படியொரு மருத்துவ பாலிசியை மட்டும் எடுத்து வைத்தால் போதும் செலவை குறைத்து விடலாம்!

அதே போல் உங்கள் முதலீட்டை 15 ஆண்டுகளுக்குப் பிறகு மொத்தம் 5-5 மடங்குக்கு இரட்டிப்பாக்கலாம். ஆண்டுக்கு ரூ.1.5 லட்சம் முதலீடு செய்தால் உங்கள் மொத்த முதலீடு ரூ.37.50 லட்சமாக இருக்கும். 7.1 சதவீத வட்டி விகிதத்துடன், முதிர்வு காலத்தில் ரூ.65.58 லட்சத்தைப் பெறுவீர்கள். அதாவது, 25 ஆண்டுகளுக்குப் பிறகு உங்கள் மொத்த நிதி 1.03 கோடியாக இருக்கும்.

தகுதி :

சம்பளம் பெறுபவர்கள், சுயதொழில் செய்பவர்கள் மற்றும் ஓய்வூதியம் பெறுபவர்கள் உட்பட எந்தவொரு இந்திய குடிமகனும் அஞ்சல் அலுவலக PPF கணக்கைத் திறக்கலாம்.

இந்தக் கணக்கை ஒருவர் மட்டுமே தொடங்க முடியும்.

நீங்கள் கூட்டுக் கணக்காக தொடங்க முடியாது

மைனர் பிபிஎஃப் கணக்கை மைனர் குழந்தையின் சார்பாக பெற்றோர் அல்லது பாதுகாவலர் தபால் அலுவலகத்தில் திறக்கலாம்.

வெளிநாடு வாழ் இந்தியர்கள் கணக்கு தொடங்க முடியாது.

தேவையான ஆவணங்கள்:

அடையாளச் சான்று - வாக்காளர் ஐடி, பாஸ்போர்ட், ஓட்டுநர் உரிமம், ஆதார் அட்டை

முகவரி சான்று - வாக்காளர் ஐடி, பாஸ்போர்ட், ஓட்டுநர் உரிமம், ஆதார் அட்டை

பான் கார்டு

பாஸ்போர்ட் அளவு புகைப்படம்

பதிவு படிவம் – படிவம் E

அம்சங்கள்:

1. ஒரு நிதியாண்டில் அதிகபட்சமாக ரூ.1.5 லட்சம் வரை பிபிஎஃப் கணக்கில் டெபாசிட் செய்யலாம்.

2. PPF என்பது EEE முதலீடு ஆகும், அதாவது அசல், வட்டி மற்றும் முதிர்வுத் தொகைகள் அனைத்தும் வரி இல்லாதவை.

3. குறைந்தபட்சம் ரூ.500 வருடாந்திர முதலீட்டில் கணக்கு செயலில் வைத்திருக்க வேண்டும்.

4. அஞ்சல் அலுவலக PPF கணக்கில் பெறப்படும் வட்டி ஆண்டுதோறும் கூட்டப்பட்டு, ஒவ்வொரு ஆண்டும் மார்ச் 31 அன்று செலுத்தப்படுகிறது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

இன்றைய முக்கிய செய்திகள் (Top Tamil News, Breaking News), அண்மை செய்திகள் (Latest Tamil News), என உலகம் முதல் உள்ளூர் வரை செய்திகள் அனைத்தையும் நியூஸ்18 தமிழ் இணையதளத்தில் உடனுக்குடன் அறியலாம்.